Akuzat për lobim/ Dosja e Lulzim Bashës në duart e Fatmira Hajdarit

Do të jetë Fatmira Hajdari gjyqtarja që do të marrë në dorë dosjen e kreut të Partisë Demokratike Lulzim Basha, i cili akuzohet për lobim në SHBA, së bashku me ish-sekretarin e Përgjithshëm të kësaj partie Arben Ristani si dhe financierin Arben Dervishi.

Bashkëshortja e të ndjerit Azem Hajdari dhe nëna e deputetës së Opozitës së Re Rudina Hajdari do të marrë vendim së bashku me dy anëtarët e tjerë të trupës gjykuese: Alaudin Malaj dhe Shpresa Becaj.

Ishte hetimi financiar për lobimin prej 675 mijë dollarësh me kompaninë ‘Muzin Capitol Partners’, çoi në bankën e akuzës kreun e Partisë Demokratike Lulzim Basha, ish-sekretarin e Përgjithshëm të PD Arben Ristani dhe financierin e kësaj force politike Ilir Dervishi.

Mbi ta rëndon akuza:  “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve.

Përsa i përket akuzës tjetër “Pastrim të produkteve të veprës penale”, hetimet janë pushuar.