Ditën e sotme Policia e Shtetit ka publikuar emrat dhe fotot e tre personave të shumëkërkuar, të cilët janë të dënuar me burgim të përjetshëm.
I pari është shtetasi Bajram Boci, i dënuar me burg të përjetshëm pasi më 24 qershor 2015 ka qëlluar me armë në drejtim të Policisë gjatë një aksioni në Lazarat, ku humbi jetën efektivi i FNSH, Ibrahim Basha.
I dyti është Alban Baftjari është dënuar me burgim të përjetshëm pasi më 7 mars të 2001, në fshatin Shetel, Shijak ka vrarë personin me iniciale Xh. B.
Ndërsa personi i tretë, po i shumëkërkuar është Jashar Begani i dënuar me burgim të përjetshëm pasi më 21 korrik të 1997 vrau dy persona me iniciale A. L. (B.) dhe Z. K, në zonën e stadiumit “Qemal Stafa” në Tiranë.
NJOFTIMI ZYRTAR I POLICISE
3 personat e radhës, objekt i punës së Njësisë së Kërkimit.
I dënuari me burg përjetë Barjam Boci
Në datën 24 qershor 2015, në fshatin Lazarat, Gjirokastër, gjatë një operacioni policor është vrarë me armë zjarri punonjësi i Policisë së Shtetit I. B., si dhe janë plagosur punonjësit J. I. dhe P. H. Shtetasi Barjam Boci ka qenë pjesë e grupit që ka qëlluar në drejtim të Policisë. Barjam Boci është dënuar me burgim të përjetshëm nga Gjykata e Krimeve të Rënda Tiranë, për veprat penale “Vrasja me dashje në rrethana cilësuese” dhe “Grup i strukturuar kriminal”.
I dënuari me burg përjetë Alban Baftjari. Në datën 7 mars 2001, në fshatin Shetel, Shijak, Durrës, shtetasi Alban Baftjari, në bashkëpunim me persona të tjerë, ka shkuar në orët e vona të mbrëmjes, në banesën e shtetasit Xh. B., për të vjedhur dhe ka plagosur rëndë shtetaset Sh. B., S. B. dhe shtetasin Xh. B., i cili për pasojë ka gjetur vdekjen. Alban Baftjari është dënuar me burgim të përjetshëm nga Gjykata e Rrethit Gjyqësor Durrës, për veprat penale “Vjedhja me pasojë vdekjen, në bashkëpunim” dhe “Armëmbajtja pa leje”.
I dënuari me burg përjetë Jashar Begani (Begami).
Në datën 21 korrik 1997, në zonën e stadiumit “Qemal Stafa” në Tiranë, shtetasi Jashar Begani (Begami) ka vrarë shtetaset A. L. (B.) dhe Z. K. Jashar Begani (Begami) është dënuar me burgim të përjetshëm nga Gjykata e Rrethit Gjyqësor Tiranë, për veprat penale “Vrasja me paramendim” dhe “Armëmbajtja pa leje”.
