“Si më raportoi Etilda Gjoni për torturë te ambasada amerikane” Ish-drejtori i policisë tregon episodin e pazakontë

Erzen Breçani është një nga ish-drejtuesit më të lartë të Policisë së Shtetit.

Mbrëmjen e djeshme ai ka qenë i ftuar në programin “360 gradë” nga Artur Zheji.

Gjatë fjalës së tij Breçani ka bërë një deklaratë të papritur për ministren aktuale të Drejtësisë Etilda Gjoni, duke treguar se më parë ajo ka bërë një raport kundër tij për torturë te ambasada amerikane.

Sipas Breçanit ky episod ka ndodhur kur ai mbante detyrën e shefit të komisariatit dhe zhvillohej një grevë ku njerëzit kishin tentuar të vetëdigjeshin me benzinë.

Asokohe Gjonaj drejtonte një shoqatë, dhe e kishte akuzuar Breçanin për torturë, vetëm se ky i fundit u kishte hequr shishet e benzinës grevistëve.

“Ministrja e Drejtësisë që është sot, kur kam qenë në detyrën e shefit të komisariatit, ka qenë një grevë urie, unë isha aktiv sepse aty prodhohej një produkt kriminal. Kishte njerëz që digjnin veten.

Ministrja e Drejtësisë sot ishte një drejtoreshë e një shoqate kundër dhunës dhe torturës. Unë e hapa ligjin dhe nuk kishte e nuk ka ligj që parashikon kur fillon dhe mbaron një grevë urie.

Unë ndërhyra dhe i hoqa shishet e benzinës, këta personat e grevës së urisë, e hoqën ujin me dëshirë dhe kjo zonjushë ka bërë një raport kundër meje për torturë tek ambasada amerikane dhe jam njoftuar se kam një raport, pavarësisht se jam pajisur me viza.”, u shpreh Erzen Breçani nga studio.