E rëndë/ Zjarr i madh në Shkodër, 13-vjeçarja humb jetën nga flakët

Një zjarr i madh ka përfshirë sot lagjen ku ndodhet komuniteti rom në Shkodër.

Si pasojë e flakëve, mësohet se ka humbur jetën një vajzë 13-vjeçare.

Kanë qenë familjarët që e gjetën fillimisht vajzën me iniciale Gj.D brenda në barakë.

Shkak për ngjarjen dyshohet të jetë bërë shkëndija elektrike që ka dalë nga ngrohësja.

Në momentin që ka rënë zjarri, viktima ndodhej në gjumë dhe nuk ka qenë e mundur që të dilte jashtë.

Flakët kanë përfshirë edhe disa baraka të tjera, ku jetonin familje të tjera të këtij komuniteti.

Policia dhe grupi hetimor po punojnë për zbardhjen e plotë të shkaqeve dhe të rrethanave të ngjarjes së rëndë.