Nuk ndoqi këshillat e nënës së saj, vajza ka një mesazh për të…

Prindërit gjithmonë mundohen që fëmijët e tyre të kenë një të ardhme me të mirë se ata, të jenë të pavarur dhe të suksesshëm. Por ndodh që kjo dëshirë e tyre të mos kuptohet nga vetë fëmijët të cilët mendojnë se zgjedhja e tyre është më e mira, pavarësisht këshillave të prindërve.

E tillë ishte edhe historia e Jugertës që u trajtua mbrëmjen e sotme në programin “Dua të të bëj të lumtur”.

Jugerta vinte nga një familje me shumë pjesëtarë dhe prindërit ishin munduar gjithmonë që atyre të mos i’u mungonte asgjë. Ata e kishin nxitur gjithmonë Jugertën që të vazhdonte shkollën dhe të ishte e pavarur, por në adoleshencë ajo kishte rënë në dashuri me në djalë me të cilin ishte fejuar. Kjo zgjedhje e saj nuk ishte pritur mirë nga mamaja, Naxhia e cila mendonte që ajo ishte shumë e re për të krijuar një familje.

Në studion e programit “Dua të të bëj të lumtur”, Jugerta rrëfeu se e kishte mërzitur shumë nënën e saj dhe kishte zgjedhur këtë mënyrë për t’i kërkuar asaj falje dhe për t’i shprehur të gjithë dashurinë që kishte për të.

“Ti e di që ne të duam shumë, por dua të të kërkoj falje për çdo gjë që nuk të kam dëgjuar. Më fal që u largova dhe të lashë me motrën sëmurë, por edhe pse larg jam afër teje! Dua të të shoh të lumtur, sepse ti je mbretëresha jonë.”,- ishin fjalët e Jugertës.

E ftuara surprizë për Naxhien ishte artistja më e dashur për publikun shqiptar, këngëtarja e shumë hiteve, Albërie Hadërgjonaj e cila kishte pothuajse një histori të ngjashme me Jugertën. Albëria rrëfeu se ishte martuar pa pëlqimin e nënës së saj që në moshën          15-vjeçare dhe se në atë kohë nuk e kishte kuptuar se çfarë kishte bërë.

Gjithashtu Albëria i’u drejtua Naxhies me këto fjalë: “Ti më kujton nënë time se edhe ajo vuajti me mua në këtë mënyrë, por ti duhet të jesh e fortë, sepse zemra e nënës është me e madhe se gjithë universi. Prandaj ji e fortë dhe të dhëntë Zoti shëndet!”