LIGJET E BIZNESIT
Rezistenca në mbrojtje të Teatrit Kombëtar mbushi sot dy vite dhe kauza e artistëve nuk mundej kurrsesi të mbetej jashtë vëmendjes. Një ndër lëvizjet më të forta gjatë 30 viteve demokraci në vend ka frymëzuar, jo vetëm artistët por edhe mijëra qytetarë, të cilët i kanë mbështetur për të frenuar projektin e bashkisë që i jep truallin kompanisë private për të shembur godinën ekzistuese dhe për të ngritur një të re.
Në këtë përvjetor të veçantë, Aleanca mblodhi qindra qytetarë dhe artistë brenda “shtëpisë së saj”. Takimi u hap me një fjalim nga aktivisti Ervin Goci, i cili tha se “kjo protestë nuk do harrohet kurrë dhe ne ju kemi hequr atyre nga duart një projekt me vlerë 200 milionë euro”.
Më pas folën edhe artistë e aktivistë, por ra në sy aktori i mirënjohur Mehdi Malkaj, i cili ngriti sallën në këmbë me fjalimin e tij. “Kur ke lirinë, i ke të gjitha. Ne nuk e kemi fituar lirinë, por ama u kemi thënë të gjithëve se si fitohet liria”, tha Malkaj.
Në ekranin e vendosur brenda skenës u transmetuan edhe momente të protestave të dy viteve, veçanërisht disa prej pamjeve të protestës së 24 korrikut 2019, imazhe që demonstrojnë forcën dhe luftën e paepur të artistëve për rezistencë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
