LAJM I FUNDIT/ Rreziku ndaj koronavirusit, dyshohet se një person se mbart virusin në Kosovë

Një shtetase britanike e cila dyshohet se është infektuar me coronavirus, ndodhet në Klinikën Infektive në QKUK.

Lindita Berisha, drejtoreshë në Klinikën Infektive në QKUK, përmes një konference për media, ka thënë se në orën 17:00 të shtunën ka ardhur një grua e cila dyshohet se ka virusin korovavirus. Ajo ka thënë se pacientja është izoluar, derisa të bëhen derisa të bëhen analizat.

“Mostrat janë dërguar menjëherë në Laboratorin e Institutit Kombëtar, dhe janë në procedura laboratorike”, ka thënë ajo.

Ndërkaq ka njoftuar se në mesnatë pritet rezultati i analizave për pacienten. Ministri i Shëndetësisë, Arben Vitia, tha se një paciente shtetase e huaj po dyshohet për simptoma të coronavirusit, mirëpo kjo do të vërtetohet pas të del rezultati i analizave.

“Bëhet fjalë për një shtetase të huaj e cila punon në Kosovë dhe e cila ka qenë në një qendër skijimi ku kanë qenë edhe pesë persona të tjerë. Ajo pasi ka lexuar se janë pesë persona të infektuar, ajo kishte filluar të kishte një kollë të lehtë, por pa temperaturë dhe simptoma të tjera është alarmuar dhe ka ardhur në Klinikën Infektive për të bërë kontrolle dhe rezultatet po i presim”, tha Vitia.

“Tretmani do të merret këtu, shpresojmë që nuk do të jetë coronavirus”, ka theksuar ai.