Të burgosurit e Reçit në grevë urie: Duam mjek, na kërcënojnë me transferim

Në një lidhje për Report Tv, një nga të burgosurit ka thënë se kanë shqetësime të shumta, si për shembull nuk munden të masin tensionin, por  askush nuk është interesuar për këtë fakt.

Ai ka shtuar se drejtori i burgut i ka kërcënuar në mënyrë të drejtpërdrejt duke u thënë se nëse do të vazhdojnë grevën do t’i trasferojnë në një burg tjetër.

‘Në grevë janë 70 vetë që prej ditësh kemi refuzuar ushqimin. Ne kërkojmë të drejtat tona, nuk ka ardhur asnjë mjek me na matur tensionin, apo me pyetur.Ne kërkojmë një vend me zhvilluar grevën, është me ligj. Derisa të vijë përfaqësuesi i ministrisë, avokati i popullit apo drejtoria e burgjeve ne do të vazhdojmë grevën’, është shprehur i burgosuri.