Kryemadhi kërcënon deputetët e saj

Kryetarja e LSI-së, Monika Kryemadhi ka deklaruar në përfundim të protestës se “deputetët e e opozitës, sot, janë të lirë nga kapja e çdo zinxhiri politik të lidhur me krimin”.

“Besoj se mesazhi është i qartë. Sot, na dhanë më shumë energji dhe pozitivitet për ta çuar deri në fund ndarjen me atë Parlament që për 27 vjet na ka kthyer prapa. Deputetët e opozitës, sot, janë të lirë nga kapja e çdo zinxhiri politik të lidhur me krimin. Morali dhe përfaqësimi që ne kemi atje nuk është të përfaqësojmë oligarkët”, u shpreh Kryemadhi.

E pyetur nga media, nëse ka deputetë të tjerë brenda LSI që do të dalin kundër vendimit të grupit, ashtu siç bëri Lefter Koka, Kryemadhi i kujtoi deputetëve të LSI skenarin dhe ngjarjet e ndodhur në Parlamentin e Ukrainës.

“Grupi teknik po punon, por këtu nuk është çështje deputeti, por çështje fryme. Kush deputet do të përfundojë në kazan te plehrave, si deputetët e Ukrainës, le ta provojë. LSI, opozita, shqiptarët nuk i mbajnë peng”, deklaroi kryetarja e LSI-së, Monika Kryemadhi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern