LIGJET E BIZNESIT
Të gjithë e kujtojmë ngjarjen makabre që tronditi Tiranën tre vite më parë.
Marvi Mihali, vetëm 22 vjeç, u ekzekutua me thikë në zonën pranë stadiumit “Dinamo” në kryeqytet nga disa të rinj, ku motivi i krimit të rëndë u bë një karikues telefoni.
Gjykata shpalli fajtorë 4 të rinj, duke i dënuar kështu me 55 vite burg në total.
Viktima ishte djali i vetëm i dy prindërve, sportistit të njohur Pavlo Mihali dhe mësueses së frengjishtes Mira Mihali.
Por pavarësisht dhimbjes së madhe, një lajm i gëzuar vjen së fundmi nga kjo familje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mësohet se cifti i bashkëshortëve Pavlo dhe Mira kanë sjellë në jetë një fëmijë tjetër, që është vajzë.
Lajmin e ka dhënë gazetari Bledi Mane, i cili shkruan se mësuesja dhe rekordmeni tani kanë një arsye për të mposhtur dhimbjen dhe të fillojnë të lumturohen gradualisht.
Postimi i plotë i gazetarit:
E mbani mend para tre vitesh, u kujtohet vrasja makabre për një karikues celulari e djaloshit 19 vjeçar Marvi Mihali në Tiranë?
Veç dhimbjes, veç humbjes, veç jetës së djalit të tyre të vetëm ndërperë padrejtësisht, prindërit e Marvit luftuan si heronj edhe me drejtësinë halabake dhe vampire shqiptare. Dy prindër intelektualë kurajozë, këmbëngulën duke i dhënë krimit dhe gjykatave shqiptare mësimin e merituar.
Megjithëse në moshë mbi 50 vjeç, mësuesja e anglishtes Fatmira dhe bashkëshorti i saj Pavllo Mihali, kampioni i dikurshëm i atletikës, sot kanë arsye të mposhtin dhimbjen dhe të fillojnë të lumturohen gradualisht. Ata sapo janë bërë prindër të një vajze duke na treguar të gjithëve se jeta ngrihet mbi plagët e vdekjes.
Vëllai më i ri në Tiranë Marvi Mihali tashmë nuk lëngon në varr nga plagët e vrasjes me thikë, ai gëzon se tashmë ka një motër të vogël të bukur e cila erdhi në jetë jo për hakmarrje por për të përcjellë dashuri në një vend të plagosur nga qytetarët e tij…
