Ardi Veliu del para Vettingut, zbardhet pasuria e numrit 1 të Policisë së Shtetit

Ditën e sotme po zhvillohet një seancë e Vettingut në rradhët e Policisë së Shtetit.

Kështu mësohet se në ‘sitë’ po kalon drejtori i Policisë së Shtetit Ardi Veliu.

Ai konsiderohet si një nga personat që ka ndikim të madh edhe në Operacionin Froca e Ligjit që ka si synim të sekuestrojë pasuritë e krimit të organizuar të vëna në rrugë të paligjshme.

Nga ana tjetër sipas asaj që u paraqit në komision, sipas të dhënave rezulton se vetë Veliu rezulton në një shtëpi me qera.

Kjo ndodh pasi apartamenti i tij me vlerë 79 mijë euro është në ndërtim e sipër, për të cilin ka marrë kredi 5 milionë lekë të reja.

Gjithashtu mësohet se Veliu ka deklaruar një llogari bankare me vlerë 750 mijë lekë të ardhura, si dhe një llogari 5 mijë euro nga shitja e një makine.

Ndërsa bashkëshortja e tij ka deklaruar llogari me 2.4 milion lekë të ardhura financiare nga prindërit e saj.