LIGJET E BIZNESIT
Ditën e sotme është zbardhur dhe pasuria e ish-kreut të bandës së Durrësit Lulzim Berisha.
Ai e deklaroi këtë pasuri brenda afatit 48 orë që i la Operacioni Forca e Ligjit dhe Policia e Shtetit.
Në dokumentin e lëshuar nga Kadastra e Durrësit bie në sy fakti që edhe pse konsiderohet si një nga eksponentët e krimit të organizuar, Lul Berisha nuk disponon asnjë pronë të patundshme në emër të tij.
Të paktën kështu rezulton në dokumentin që ai dorëzoi pranë OFL.
Referuar deklaratës, rezulton se Lul Berisha i merr përfitimet financiare nga një bar-kafe që e administron nëpërmjet kontratës së qirasë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kjo kontratë është firmosur më datë 5 janar 2018.
Gjithashtu ai ushtron dhe veprimtarinë e furnizimit me karburant për konsum të anijeve në port dhe tregtimin e gazoilit.
Nga ana tjetër, Lul Berisha rezulton aksioner dhe në shoqërinë Rajan 2007, në masën 40 përqind të aksioneve, ku furnizon anijet e peshkimit që operojnë në vijën bregdetare në vend.
Sipas tij, karburanti për të furnizuar këto anije, sigurohet nga disa shoqëri të njohura hidrokarburesh në Shqipëri.
Një tjetër pasuri që deklaron Berisha, edhe edhe një automjet tip BMV, blerë në 2019 në vlerën 1 mln lekë. “Dua të theksoj se burimet e mia financiare janë të ligjshme dhe dokumentacionin përkatës ligjor për secilën pasuri dhe fitimin e ardhur prej bizneseve të mia e kam depozituar sot më datë 5 shkurt 2020 në drejtorinë e përgjithshmne të Policisë së Shtetit, departamenti i policisë kriminale, përpara oficerit të policisë Gjyqësore Arben Janaqi”, është shprehur tekstualisht Lulzim Berisha.
