Një përplasje e fortë në distancë ka nisur ditën e djeshme midis Bashkisë së Tiranës dhe Partisë Demokratike. (lexo ketu)
Shkak për këtë është bërë vizita e kryetarit të PD Lulzim Basha në një prej konvikteve të Qytetit Studenti.
Pas kallëzimit nga punonjësja e konviktit dhe denoncimi i Bashkisë së Tiranës, se lideri demokrat dhe të rinjtë e kanë shtyrë dhe dhunuar recepsionisten për të hyrë brenda, ditën e sotme ka ardhur dhe reagimi nga vetë Lulzim Basha.
Nëpërmjet një postimi në rrjetet sociale, Basha tregon versionin e tij në lidhje me atë që ka ndodhur mbrëmë.
Kryedemokrati ka akuzuar në mënyrë indirekte kryetarin e bashkisë Erion Veliaj se ka porositur rojen që të mos e lejonte që të hynte brenda në godinë.
“Kjo porosi erdhi nga Lulzim Basha në konvikt lart.”-thotë Basha.
REAGIMI I PLOTE I KRYETARIT TE PD LULZIM BASHA
Ngjarjet e 24 orëve të kaluara janë një pamje e qartë e realitetit me të cilin përballet Shqipëria. Mbrëmë ishim të ftuar nga disa studentë për të parë si jetojnë dhe për të dëgjuar shqetësimet e tyre. Studentët tanë janë e ardhmja e këtij kombi, shqetësimet e tyre janë shqetësimet tona. Kjo është rruga jonë. Rruga e të dëgjuarit, e përfaqësimit të vërtetë të të gjithë shqiptarëve.
Kur mbërritëm në godinë u takuam me një punonjëse të konviktit, e cila na kërkoi të largoheshim. Kjo porosi erdhi nga Lulzim Basha në konvikt lart. Në fakt kjo është rruga tjetër, ajo e frikësimit dhe intimidimit. Si shërbyes publik, nuk do të lejoj askënd që të më pengojë të dëgjoj problemet e bashkëqyetarëve të mi dhe të përpiqem t’i ndihmoj ata. Kjo është arsyeja pse u bëra pjesë e jetës publike. Unë u bëj thirrje atyre që merren me kërcënime dhe frikësime, të rishqyrtojnë taktikat e tyre. Populli shqiptar do të dëgjohet!
