LIGJET E BIZNESIT
Presidenti Ilir Meta priti prioritete që lidhen me negociatat në takim Presidentin e Parlamentit Europian, David Sassoli, i cili mbërriti në vendin tonë ditën e sotme.
Në një njoftim për mediat, Presidenca bën me dije se Meta vlerësoi mbështetjen e vazhdueshme që Parlamenti Europian i ka dhënë procesit të integrimit europian të Shqipërisë.
Sipas Presidentit Meta, sundimi i ligjit dhe dialogu gjithëpërfashirës, janë të rëndësishme në zbatimin e prioriteteve që lidhen me çeljen e negociatave të Shqipërisë me BE.
Njoftimi i plotë:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Presidenti i Republikës, Sh.T.Z. Ilir Meta priti sot në një takim Presidentin e Parlamentit Europian, Sh.T.Z. David Sassoli.
Presidenti Meta vlerësoi mbështetjen e vazhdueshme që Parlamenti Europian i ka dhënë procesit të integrimit europian të Shqipërisë.
Në këtë kontekst Presidenti mirëpriti takimin e organizuar së fundmi nga Presidenti Sassoli me kryetarët e Parlamenteve të 6 vendeve të Ballkanit Perëndimor dhe angazhimet e përbashkëta të shprehura në konkluzionet e këtij takimi të nivelit të lartë.
Kreu i Shtetit theksoi rëndësinë që kanë sundimi i ligjit dhe dialogu gjithëpërfshirës e jo-konfrontues në zbatimin e prioriteteve që lidhen me çeljen e negociatave të Shqipërisë me BE, si dhe për arritjen e standardeve europiane të një demokracie parlamentare.
Presidenti mirëpriti gatishmërinë e shprehur nga Presidenti Sassoli për të ndihmuar në tejkalimin e krizës, çka do të çonte në një zbatim më të shpejtë dhe të besueshëm të 9 prioriteteve të Bundestagut.
Presidenti Meta përshëndeti edhe angazhimin për të rritur besueshmërinë dhe efikasitetin e procesit të zgjerimit të BE drejt Ballkanit Perëndimor, përmes një qasjeje më demokratike, më transparente, dhe më pranë qytetarëve.
