Ditën e sotme është zbardhur dhe dëshmia e Lulzim Cukut, 45-vjeçari i cili vrau me thikë bashkëshorten në banesën e tyre në Xhafzotaj të Durrësit.
Gjatë përballjes së tij me policinë, ai e ka pranuar krimin dhe ka shprehur pendesë.
Ndër të tjera ai ka zbuluar dhe shkaqet e vrasjes.
“Jam penduar shumë për veprimin tim. Nuk duhet të kishte ndodhur kjo, nuk duhet të kisha qëlluar mbi Manjolën. Fëmijët e mi ngelën rrugëve tani. Jam shumë i dëshpëruar. Tentova disa herë të vetëvritesha, por nuk ia dola. Sherri i fundit ndodhi, pasi prej kohësh kishim debate.
Kisha dyshime se ajo fuste njerëz të tjerë në shtëpinë tonë, ndërkohë që unë isha në Greqi. E kishte kthyer shtëpinë në shtëpi publike, fuste brenda lloj-lloj njerëzish.
I kërkova të mos e bënte më këtë veprim, por sapo unë ikja në Greqi me thoshin njerëzit se ajo vazhdonte të fuste njerëz të panjohur në shtëpi. Për këtë arsye u ktheva nga Greqia. Gjatë kësaj kohe debatonim shpesh.
Parmbrëmë situata doli jashtë kontrollit dhe unë e qëllova me thikë. Nuk mendova se ka vdekur, pasi e lash të shtrirë në tokë. Nga mediat e dëgjova që kishte ndërruar jetë. Më vjen shumë keq, sidomos për fëmijët që mbetën në mëshirë të fatit”, është shprehur Cuku.
Lulzim Cuku u dorëzua në ambientet e Komisariatit të Policisë së burrelit disa orë pas krimit.
Ai shkonte herë pas herë në Greqi, ku punonte si emigrant.
Mësohet se çifti ka tre fëmijë, një djalë dhe dy vajza, të moshës dhjetë, shtatë vjeç dhe 2 vjeç.
