Kuvendi do të zhvillojë sot seancën plenare në orën 10.00.
Mësohet se do të mbahen 3 interpelanca me ministrat.
Interpelanca e parë është kërkuar nga deputeti Artur Roshi me ministrin e Brendshëm Sandër Lleshaj.
Kjo interpelancë ka të bëjë me dëbimin e mësuesit turk, Harun Çelik, por edhe për çështje të tjera, përfshirë kanabisin.
Ndërsa, interpelanca e dytë është kërkuar nga 7 deputetë të opozitës së re me minstren e Drejtësisë Etilda Gjonaj.
Arsyeja lidhet me situatën në burgje, shkarkimet, lirimin e Endrit Dokles por edhe rastin e ‘shëtitjes’ së Dritan Dajtit në “ish-Bllok”.
Interpelanca e tretë është thirrur po nga deputetët e opozitës së re me ministrin Klosi për dëmtimet serioze të sipërfaqeve të mëdha pyjore halore në rrethin e Korçës, Kolonjës, Pukës, Mirditës, Peshkopisë nga procesionaria.
Ajo që mbahet dhe si ngjarja e ditës sot në politikë, është mbërritja e presidentit të Parlamentit Europian në Tiranë, David Sassoli, i cili do të mbajë dhe një fjalë përshëndetëse në Kuvend, në orën 15.00.
