“Do t’jua bëjmë të parehatshëm atdheun kriminelëve”, Rama: Gati për një përballje ekstreme

Nga reparti RENEA ku është trajnuar Njësia “Operacioni Forca e Ligjit”, kryeministri Edi Rama në fjalën e tij për ligjin Anti KÇK theksoi se sot Policia e Shtetit është si ansjëherë më parë e angazhuar dhe e gatshme të flasë më gjuhën e rezultateve, fakteve dhe shifrave konkrte.

“Është një moment me rëndësi të veçantë. Një kohë ekstreme kërkon masa ekstreme. Duke pasur parasysh që jemi bërë gati për një përballje ekstreme me krimin e organizuar. Është koha për ti dhënë një përgjigje dërrmuese të gjithë atyre që ushqejnë mosbesimin tek mundësitë, vullneti dhe angazhimi ynë për të luftuar deri në fund me krimin e organizuar. Jemi të vetëdijshëm se Shqipëria që duam për fëmijët tanë është shumë më e mirë se sa kjo e sotmja dhe ndaj jemi këtu. Nuk mund të kritikohemi për mungesën e vullnetit për ti çuar përpara të gjitha  punët në një terren jashtëzakonisht të vështirë”, deklaroi Rama.

Më tej kryeministri Rama theksoi se sot vendi ka një garanci më shumë me ngritjen e SPAK, ndërsa u shpreh: “do të përballemi “sy më sy” me krimin”.

“Sot ndryshe nga më parë kemi një garanci më shumë SPAK, i cili tashmë është formuar dhe kjo është prova e parë. Kam besim se jemi në kohën e duhur dhe kemi forcën e duhur për të bërë ndryshim historik në marrëdhënien e krimit në vendin tonë.

“Do të përballemi “sy më sy” me krimin. Duhet t’jua bëjmë të parehatshëm atdheun atyre që janë subjekte të paligjshme. Duhet t’ua bëjmë të parehatshëm atdheun kriminelëve”, theksoi Rama.