LIGJET E BIZNESIT
Ditën e sotme në repartin e RENEA ku është trajnuar Njësia Operacioni Forca e Ligjit po prezantohet ligjin special për masat pasurore ndaj personave të dënuar apo akuzuar për krim të organizuar. Në fjalën e tij Lleshaj ka deklaruar se ky aksion do të drejtohet nga Policia e Shtetit në bashkëpunim me SPAK.
“Krimi në përgjithësi dhe ai organizuar në veçanti kanë marrë goditje të mëdha në vitet e fundit. Suksesi afatgjatë në luftën kundër krimit lidhet me rrënjët e tij, dhe rrënjët janë me financat e tyre. Ata që janë pjesë e bandave këtë e bëjnë për të fituar para, kjo duhet të shkatërrohet. Paketa anti KÇK, do të merret me pasuritë nga bota e krimit, do ta shkatërrojmë këtë model të shëmtuar. Operacioni forca e ligjit do të zbatohet nga Policia e Shtetit me SPAK. Forca e Ligjit do të ndihmohet edhe nga SPAK. Objekt do të jenë pasuritë e përfituara nga bota e krimit. Policia e Shtetit do të kërkojë burimet, për të gjetur nga rrjedhin pasuritë e tyre, pastaj do të merret prokuroria. Është çështje kohe, zhvillimi i këtij krimi do të ndërpritet, në mos sot do të bëhet nesër. Pasuritë e konfiskuara do të përdoren për shtetin. Një pjesë e aseteve do të vihen në dispozicion të policisë në funksion të modernizimit dhe personelit. Do të godasim krimin e organizuar. Për politikën, korrigjoni shënjestrën, policia nuk mund të jetë tabelë. Për kriminelët, u them tërhiquni nga rruga e krimit për të shpëtuar familjen, kthjellohuni dhe kuptoni se keni përgjegjësi për ata që vijnë pas jush”, u shpreh Sandër Lleshaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
