Ashtu si dje, edhe ditën e sotme Policia e Shtetit ka publikuar foton dhe të dhënat e një tjetër personi të shpallur në kërkim, i cili konsiderohet i rrezikshëm.
Bëhet fjalë për Gjovalin Lesin, i cili është në kërkim pasi është dënuar me burg përjetë për vrasjen e dy personave, motrës dhe burrit të saj.
Në datën 21 tetor 1997, në fshatin Rrasfik, Rubik, Mirditë, shtetasi Gjovalin Lesi ka vrarë me armë zjarri shtetasit M. Gj. (e motra) dhe A. Gj. (dhëndri).
Gjovalin Lesi është dënuar me burgim të përjetshëm nga Gjykata e Rrethit Gjyqësor Mirditë, për veprat penale “Vrasja me paramendim” dhe Armëmbajtja pa leje”.
