Mbrëmjen e sotme kryeministri Rama do të darkojë në Bruksel me Presidenten e Komisionit Europian Ursula von der Leyen.
Lajmin e bëri të ditur vetë kryeministri, me anë të një video që ka postuar pak minuta më parë, ku është takuar me Von der Leyen dhe thotë se tema e darkës do të jetë Konferenca e Donatorëve që do të mbahet më 17 shkurt, nën kujdesin e vetë Presidentes së KE.
“Bruksel – Pas pak në një darkë pune me Presidenten e Komisionit Europian, Ursula von der Leyen.
Tema dihet: Pregatitjet për Konferencën e Donatorëve, që do të mbahet në 17 shkurt nën kujdesin e Presidentes von der Leyen”, shkruan Rama, ndërsa shpërndan dhe pamjet.
