Një aksident automobilistik ka ndodhur mbrëmjen e sotme në aksin rrugor Pogradec-Lin, ku për pasojë një efektiv i policisë rrugore është plagosur.
Nga informacionet paraprake, mësohet se polici fatmirësisht ndodhet jashtë rrezikut për jetën. Burimet bëjnë me dije se në aksident u përfshinë tre automjete, ku fillimisht ka qenë efektivi i policisë që ndaloi një furgon transporti mallrash për kontroll rutinë, por ky furgon është përplasur nga pas nga një makinë tjetër tip ‘ford’. Për pasojë furgoni ka goditur policin duke e lënë të plagosur.
Në vendin e ngjarjes kanë shkuar forca të tjera policie të cilët po hetojnë për zbardhjen e plotë të këtij aksidenti.
