Bill Gates dhuron 10 milionë dollarë për luftën kundër koronavirusit kinez

Përhapja e koronavirusit të ri vazhdon me një ritëm marramendës, dhe ndërsa ekziston një optimizëm në të gjithë botën se virusi mund të kurohet, Kina është kthyer në një kështjellë e izoluar që lufton të mbajë nën kontroll epideminë.

Fondacioni “Bill & Melinda Gates” ka vendosur të dhurojë 10 milionë dollarë në luftën kundër koronavirusit kinez.

Lajmi u bë i ditur nga Fondacioni Gates. Gjysma e shumës do të shkojë në Kinë, gjysma tjetër në Qendrat për Kontrollin dhe Parandalimin e Sëmundjeve në Afrikë.

“Shuma do të shpenzohet për të ndihmuar shpëtimtarët në vijën e parë të frontit, në Kinë dhe Afrikë, që të frenojnë përhapjen e virusit të ri”, ka bërë të ditur fondacioni.