Pak pasi prokuroria e Dibrës mori vendimin për të transferuar dosjen e bujshme “184” të vjedhjes së votave në 2017, mësohet se SPAK ka refuzuar aktet e kësaj dosjeje.
Deri më tani asnjë prokurori nuk ka marrë përsipër të hetojë një dosje që përfshihet shit-blerja e votave, ku janë të përfshirë dhe zyrtarë të lartë.
Kështu SPAK ka vendosur të rikthejë sërish në prokurorinë e Dibrës këtë dosje duke mos pranuar disa akte.
Pas përgjimeve të publikuara nga ‘Bild’ në korrik të vitit 2019 Krimet e Rënda shpallën moskompetencë për hetimin e dosjes. Edhe prokurorja Enkeleda Cami Keshi refuzoi të mbajë dosjen në Prokurorinë e Dibrës.
Pjesë e kësaj dosje “të nxehtë” janë emra të njohur të cilët dolën dhe në publikimet e BILD.
Ata janë kryeministri Edi Rama, Damian Gjiknuri, Ulsi Manja, Pjerin Ndreu dhe të tjerë zyrtarë me emër në PS.
