Koronavirusi mbërrin dhe në Gjermani, shënohet rasti i parë

Së fundmi është rritur dhe shqetësimi për përhapjen e coronavirusit në Europë.

Mësohet se Gjermania ka identifikuar kështu rastin e parë të infektimit.

Sipas ministrisë Rajonale të Shëndetësisë në Bavari, pacienti është një burrë nga qyteza Starnberg, e cila ndodhet 30 kilometra në jugperëndim të Mynihut.

Të dhënat paraprake që kanë paraqitur zyrtarët tregojnë se pacienti është izoluar dhe po vëzhgohet nga mjekët.

Por ndërkohë ende nuk dihet identiteti, apo përkatësia etnike e personit të infektuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Njerëzit që kanë qenë në kontakt me të janë informuar për simptomat e mundshme, masat higjienike dhe kanalet e transmisionit”, thuhet në njoftimin e kësaj ministrie.

Raste të këtij virusi tashmë janë regjistruar edhe në shumë shtete të tjera, përfshirë Japoninë, Francën, Australinë dhe Shtetet e Bashkuara, shkruan “Reuters”.

Ministri gjerman i shëndetësisë, Jens Spahn, tha se nuk është i befasuar që virusi ka arritur në Gjermani, duke shtuar se rreziku mbetet i ulët