Shpërthen në flakë magazina e një biznesi, ja në pronësi të kujt është (EMRI)

Një zjarr i madh ka shpërthyer mbrëmjen e djeshme një magazinë të një biznesi me materiale tapicerie, në lagjen “Shënkoll”, në Elbasan.

Ngjarja ndodhi rreth orës 22:45, dhe mësohet se magazine, dikur magazinë bujqësore, ishte në pronësi të Leonard Mustafait.

Si pasojë e flakëve janë konstatuar dëme të mëdha materiale, i cili sipas burimeve jo zyrtare llogaritet në vlerën e disa mijërave euro.

Në vendin e ngjarjes mbërritën forcat e zjarrfikëses, duke izoluar flakët dhe më pas shuarjen e tyre.

Ende nuk ka një njoftim zyrtar nga policia, ndërkohë që po punohet për zbardhjen e plotë të shkaqeve të zjarrit.