LIGJET E BIZNESIT
Ismail Kadare është padyshim një nga shkrimtarët më të mëdhenj të letërsisë shqipe.
Sot është një ditë e shënuar për njeriun i cili ka lënë gjurmë jo vetëm në Shqipëri, por edhe jashtë saj.
Kadare feston sot 84-vjetorin e lindjes.
Ismail Kadare lindi më 28 janar 1936 në Gjirokastër.
Kolosi i letërsisë shqipe, ka bërë që me veprën e tij të shënojë një numër rekord të përkthimeve në mbi 45 gjuhë të huaja.
Ai e ka bërë të njohur Shqipërinë në mbarë botën, me historinë dhe kulturën e saj ndër shekuj.
Poezia e Kadaresë dallon për figurat e pasura dhe origjinale.
I vlerësuar me shumë çmime ndërkombëtare, disa herë kandidat i çmimit ‘Nobel’ në letërsi, Kadare u nderua dhe me dekoratën më të lartë franceze ‘Komandant i Legjionit të Nderit’.
Ismail Kadare është autor i veprave të njohura ndërkombëtarisht si ‘Dimri i Vetmisë së Madhe’, ‘Kronikë në Gur’, ‘Gjenerali i Ushtrisë së Vdekur’, ‘Vit i Mbrapshtë’, ‘Koncert në fund të dimrit’, ‘Përbindëshi’, ‘Nata me hënë’ e shumë të tjera.
