LIGJET E BIZNESIT
Kryeministri Edi Rama merr pjesë në prezantimin e platformës online për banorët e prekur nga tërmeti i 26 nëntorit, të cilët do të përfitojnë nga Programi i Rindërtimit.
Gjatë fjalës së tij, kryeministri Edi Rama ka paralajmëruar të gjithë ata persona të cilët do tentojnë të futen në këtë program pa pasur të drejtë.
Ai shprehet se do të ndëshkohen rastet në të cilat janë future familje që nuk e meritojnë.
Ndër të tjera kryeministri ka ironizuar edhe opozitën ku është shprehur se i fton dhe ata që të vënë ulërimën në ngjarje të tilla.
“Ne do të garantojmë që parametrat e rindërtimit të jenë anti-sizmike. Që nëse ndodh një tjetër lëkundje, shtëpitë të jenë shumë më rezistente dhe të garantojnë cilësi jete. Pallatet të jenë shëmbullore për nga pikëpamja e të gjitha parametrave. Patjetër është e lehtë të thuhet por jo e lehtë të bëhet.
Siç e tha ministri shumë shpejt do të keni modelet e zhvillimit. Moslejimin e degradimit në dallavere dhe qoka. I kemi studiuar eksperiencat në vend të tjera. Ka procese që e kanë çuar vendin më lart, dhe ka shembuj historish të turpshme. Ne kemi ndërtuar këtë platformë transparente ku bashkitë do të kenë regjistrim eletronik për programin.
Çdo familje do të ketë akses për ta ndjekur gjithë procesin. Do të ndëshkohen rastet që janë futur familje që nuk e meritojnë. Iu lutem shumë mos i hynë në hak askujt. Mo shyni në gjynah. Bëjeni sikur të kishit mbetur ju pa shtëpi. Kryebashkiakëve iu them faleminderit për punën e bërë deri më tani.
E keni përballuar me dinjitet dhe vullnet, por duhet t’i qëndroni në kokë këtij procesi. Ndarja e shkallëve të dëmit të jetë e drejtë. Të gjitha këto do të monitorohen dhe kush do kapet do ndëshkohet. Kemi një grup që do bëjë vetëm këtë punë. Nuk i njeh asnjëri. E ftoj opozitën që të dali dhe të vërë ulërimën për çdo rast të tillë. Të na shurdhojnë me shpifje. Por në mes të shpifjeve do të jetë edhe ndonjë e vërtetë.” , u shpreh kryeministri.
