LIGJET E BIZNESIT
Mëngjesin e djeshëm një nga lajmet më kryesore ishte kapja e një sasie kokaine rreth 1.2 tonë në Greqi, e cila ishte nisur nga Amerika e Jugut.
Operacioni u menaxhua nga Drejtoria e Sigurisë së Attikës.
Por ditën e sotme ka reaguar dhe policia shqiptare e cila vlerësoi rolin e homologëve grekë në këtë aksion anti-drogë.
Ndër të tjera në njoftimin e policisë thuhet se koka e grupit ishte Sandër Pemaj, i cili është një person me një të kaluar kriminale të theksuar prej vitesh në shtetin fqinj, i arrestuar vetëm dy vite më parë si pjesë e bandës së Jurgen Mollës, që trafikonin heroinë midis Shqipërisë-Greqisë e Turqisë.
“Në Atika të Greqisë u finalizua një tjetër goditje e madhe ndaj grupeve të organizuara që merren me trafikimin ndërkombëtar te drogës. Ky është një nga çeshtjet më të mëdha të trajtuara nga Divizioni i Luftës ndaj Drogës, për goditjen dhe shpërbërjen e një organizate kriminale, që ka transportuar në mënyrë sistematike, sasi të konsiderueshme kokainë nga Karaibet në Evropë dhe Afrikën Veri-Perëndimore.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në këtë operacion Policia e Shtetit shqiptar mori pjesë në mënyrë të drejtpërdrejtë me hetime pro-aktive që u zhvilluan duke dhënë një ndihmesë dhe kontribut në identifikimin e personave të organizatës, roleve te tyre individuale dhe në mënyrën e funksionimit të organizatës kriminale, gjë që na mundësoi të identifikohen dhe konstatohej plotësisht përbërja dhe veprimtaria e saj. Operacioni është në vijim dhe Policia e Shtetit është duke kryer detyrat e saj në bashkëpunim të ngushtë me të gjithë aktorët që janë përfshirë në këtë operacion për identifikimin e persona të tjerë të përfshirë në këtë veprimtari kriminale,” bëri të ditur policia.
Gjashtë shtetasit shqiptarë që tashmë janë arrestuar janë: Sandër Pemaj e Maksim Preçi, kushërinj, Arbër Përdeda, Ergon Tusi, Erlin Zotaj dhe Lek Doda. “KOKA” E GRUPIT Sandër Pemaj, që dyshohet nga Policia greke si kreu i bandës, është një person me një të kaluar të theksuar kriminale prej vitesh në shtetin fqinj, i arrestuar vetëm dy vite më parë si pjesë e bandës së Jurgen Mollës, që trafikonin heroinë midis Shqipërisë-Greqisë e Turqisë.
Pemaj, së bashku me disa shqiptarë të tjerë dhe disa marokenë, janë kapur në një kompleks turistik në Greqi në fshatin bregdetar Astakos pranë qytetit të Agrinjos, i cili ndodhet në afërsi të rrugës Athinë-Kakavijë. Banda kishte marrë aty disa dhoma me qira ku kishin fshehur drogën. Pas ndërhyrjes së Policisë greke që e ka zhvilluar operacionin në bashkëpunim me DEA-n amerikane janë kapur 1 ton e 180 kilogramë kokainë si dhe disa armë pistoleta dhe një “Kallashnikov”.
