(EMRAT) Aksioni antidrogë në Greqi/ Identifikohen 6 shqiptarët, grupi kishte mbi 50 milionë euro të ardhura

Janë zbuluar detaje të reja nga autoritete greke mbi aksionin antidrogë që u zhvillua dje në zonën e Agrinjos, pranë Patras.  Drejtuesit më të lartë të policisë helene, gjatë një deklarate për shtyp, thanë se shkatërrimi i kësaj organizate kriminale i dha një goditje të fortë trafikut të kokainës në Ballkan.

Në deklaratën e autoriteteve greke, thuhet se grupi është mbajtur në mbikqyrje sistematike nga ekipet e DEA dhe policive të tre vendeve për 6 muaj me rradhë. Sipas të dhënave,  kreu i organizatës është 41 vjeçari,  Aleksandër Pemaj,një emër i njohur në botën e krimit shqiptar në Greqi.

Sipas policisë, Pemaj ka qenë edhe herë të tjera në burg, madje ai është dënuar disa herë nga drejtësia për vepra penale tepër të rënda. Ky i fundit ka qënë anëtar i bandës së Marian Kolajt, një i arrestuar i cili u ekzekutua nga policia greke gjatë një përleshjeje të armatosur në afërsi të kufirit shqiptar.

Drejtori i policisë së Atikës, deklaroi se hetimet lidhur me këtë organizatë ishin  nisur prej të paktën 6 muajsh, mbas informacioneve të marra nga autoritetet amerikane, se një sasi e madhe droge do të nisej nga Republika Domenikane me destinacion Greqinë, dhe në vazhdim do të shpërndahej në Shqipëri dhe Spanjë.

Mësohet se përveç 8 të arrestuarve, janë identifikuar edhe disa shtetas shqiptare dhe arabe, të cilët aktualisht edhe pse janë identifikuar, ende nuk janë arrestuar.

Pagesa për drogën është distancuar prej një shtetasi arab, i cili konsiderohet së është një prej krerëve të organizatës, ndërsa pagesa është kryer nëpërmjet bankës nga një shtetas shqiptar me banim në Shqipëri, i cili edhe ka garantuar këstet e pagesave, por edhe justifikimin e tyre në bankë, si pagesë për mallra tregtie që subjekti i tij tregtar, importonte nga jashtë.

Në cilësinë e provës materiale prej 1181 kg kokainë e pastër, vlera e së cilës llogaritet në mbi 50.000.000 euro, u sekuestruan edhe shuma kesh  prej  231.000 euro,3 pistoleta,1 kallashnikov,5 autovetura dhe 19 celularë.

Kreu i policisë greke, tha se hetimet do të vazhdojnë, ndërsa priten edhe arrestime të tjera në Greqi,  Shqipëri dhe Spanjë.

Emrat  e te arrestuarve shqiptare nga aksioni për sekuestrimin e 1181 kg kokaine  janë:

SANDËR PEMA

ARBËR PËRDEDA

ERGON TUSI

ERLIN ZOTAJ

LEK DODA

MAKSIM PREÇI