Tërmeti shkatërrues në Turqi/Rritet bilanci i viktimave dhe të plagosurve

Sa vjen e rritet numri i vikitmave nga tërmeti tragjik që goditit Turqinë mbrëmjen e djeshme. Agjencia turke për Menaxhimin e Katastrofave dhe Emergjencave (AFAD) ka njoftuar se nga tërmeti me magnitudë 6,8 ballë me epiqendër rajonin Sicrice në Elazığ të Turqisë numri i të vdekurve është rritur në 22 persona ndërsa 1.030 të tjerë janë të plagosur.

Ekipet e kërkim-shpëtimit ende po vazhdjnë punimet nën rrënoja në tre ndërtesa në qendrën e qytetin Elazığ, transmeton Anadolu Agency (AA).

Sipas AFAD, në rajon janë dërguar 235 mjete, 18 qen shpëtimi dhe gjithsej 1.167 personel për punimet e kërkim-shpëtimit nga institucionet si AFAD, ato të xhandarmërisë, njësive shëndetësore të Ministrisë së Shëndetësisë UMKE dhe të zjarrfikësve.

Deri tani janë vendosur në veprim me parimin e “punimeve 24 orë në 7 ditë” 28 grupe me qëllimin për të vazhduar punimet e kërkim-shpëtimit dhe mbështetjes së pandërprerë shëndetësore, sipas Planit të Ndërhyrjes ndaj Katastrofave të Turqisë.