Pamje dramatike nga tërmeti 6.8 ballë në Turqi, Raportohet për 4 viktima

Një tërmet i fuqishëm është regjistruar mbrëmjen e sotme në Turqi. Mësohet se tërmeti ishte i magnitudës 6.8 ballë dhe u ndje edhe në shtetet fqinje me Turqinë.

Sipas autoriteteve turke kanë humbur jetën 4 persona, ndërsa dy të tjerë janë plagosur. Sipas ministrit të Brendshëm të Turqisë, nga lëkundjet e fuqishme të tërmetit, janë shkatërruar totalisht 5 ndërtesa. Ekipet e emergjencës po punojnë intensivisht për nxjerrjen e të plagosurve nga rrënojat sa më parë.

Siç shihet dhe nga pamjet e mëposhtme, të publikuara në internet nga mediat turke, disa pallate janë shembur totalisht dhe familjarët e personave të mbetur nën rrënoja vrapojnë për t’i nxjerrë prej andej. Gjithashtu, në rrjet janë shpërndarë dhe disa pamje të emisioneve televizive që kanë qenë në transmetim dhe i kanë përjetuar live lekundjet e forta.

Mësohet se tërmeti ka patur epiqendër vetëm 10 kilometra larg qytezës Doganyol dhe 28 kilometra nga Çungus, në një thellësi prej 10 kilometrash sipas të dhënave të para.

Pamje nga mediat në Turqi:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern