Së fundmi, kreu i Partisë Demokratike, Lulzim Basha, ka shpërndarë një video ku akuzon Edi Ramën se padrejtësia, varfëria, korrupsioni dhe kriminaliteti e ka shoqëruar çdo ditë si kryeministër i Shqipërisë .
“Padrejtësia, varfëria, korrupsioni dhe kriminaliteti kanë shoqëruar Edi Ramën çdo ditë si kryeministër i Shqipërisë! Edi Rama jo vetëm nuk i ka luftuar një ditë të vetme, por është bërë bashkëpunëtori më i afërt i padrejtësisë, varfërisë së shqiptarëve dhe korrupsionit galopant të ministrave të tij! Ai është autori i situatës së rëndë në të cilën ndodhet Shqipëria. Edi Rama ka dështuar!”, shkruan Basha.
GJithashtu kjo video është ripublikuar dhe nga Partia Demokratike, ku në një postim në Facebook shkruan: Edi Rama është i dështuar dhe i korruptuar! Prokurimet publike, koncesionet dhe PPP janë thjeshtë mekanizma vjedhje dhe pasurimi të paligjshëm për një grusht zyrtarësh të korruptuar dhe oligarkësh të lidhur me to. Për t’i hapur rrugë luftës ndaj korrupsionit, duhet të largohet Edi Rama.
