Ditët e fundit lajmi që ka bërë më shumë bujë, është video e publikuar nga gazetari Artan Hoxha, në të cilën shfaqet një person duke konsumuar kokainë, për të cilin thuhet se është kryebashkiaku i Bulqizës, Lefter Alla.
Kjo video ka shkaktuar mjaft reagime nga njerëzit, gjithashtu edhe në rrjet.
Një prej tyre është dhe ish-ministri i Drejtësisë Ylli Manjani, i cili ka komentuar këto pamje me ton ironil
Manjani ka publikuar foton e Lefter Allës, teksa dilte ditën e djeshme nga zyrtat e SPAK, ku u thirr për të dëshmuar, por nuk mbante syze.
Ky detaj nuk i ka shpëtuar Manjanit, i cili shprehet se kryebashkiaku i cili është filmuar duke konsumuar kokainë, ka hequr syzet për të thënë se “nuk është ai i drogës sepse ai ka syze”.
“Shumë interesant! Zotëria paska qenë para SPAK dje pa syze… Ndoshta ka dashur të thotë që “sjam unë ai i drogës në video, sepse ai ka syze…”
Nëse Artan Hoxha ka të drejtë, lind pyetja: Ti ketë ardhur shikimi para SPAK, apo syzet i ka për përdorim të kufizuar?!”, shkruan Manjani në postimin e tij.
