Ditën e sotme është zbardhur dhe dëshmia e Noel Dishit, 29-vjeçari i cili ndodhet në burg si i dyshuari kryesor dhe i vetëm për vrasjen e Vilson Tafçiut.
Ngjarja e rëndë u shënua vetëm disa ditë më parë në zonën e Astirit, në Tiranë.
Kujtojmë se Noel Dishi, pak orë pas vrasjes u vetëdorëzua në polici, ndërkohë që sot ai e ka pranuar krimin e kryer.
Dishi ka dëshmuar përpara uniformave blu duke thënë se nuk kishte qëllim ta vriste shokun e tij, por duke qenë se lëvizte gjithmonë me armë, ka shtënë mbi Vilsonin pasi ky i fundit e kishte sharë nga nëna.
Ndërkohë, 29-vjeçari nuk ka dhënë detaje pse është prishur miqësia mes tij dhe viktimës. Ai ka thënë se është në gjendje të rënduar psikologjike dhe se do të flasë në një moment tjetër.
“Me Vilsonin ishim shoke prej vitesh. Nuk kam dashur ta vras. Te henen shkova tek Artisti per ta takuar. Nuk kam patur si qellim ta vras. Une levizja gjithmone me arme me vete. Kur e takova ai me shau nga nena. U ndjeva shume i ofenduar per shkak te marredhenies qe kishim pasur. Une e kam marre ne shtepi nuk duhet ta thoshte kete gje. U nervozova dhe e qellova. Pas krimit jam larguar dhe kam qendruar ne nje hotel ne Kavaje. Jam shume i penduar per krimin e kryer”, është shprehur Noel Dishi përpara policëve.
