LIGJET E BIZNESIT
Në mbledhjen e zhvilluar sot nga Komisioni i Ligjeve, është miratuar projekti për amnistinë që do të kalojë më pas në Kuvend.
Mësohet se nga kjo amnisti do të përfitojnë rreth 700 të dënuar që do të lënë qelitë sapo ky ligj të botohet në Fletoren Zyrtare.
Komisioni Parlamentar bëri disa ndryshime në draftin e hartuar nga Ministria e Drejtësisë.
Kështu si rrjedhojë u vendos që në amnisti të hyjnë të gjitha kategoritë që janë dënuar deri me datë 31 dhjetor 2019.
Ishte Ulsi Manja ai që kërkoi që efektet e kësaj amnistie të shtyheshin deri kur të hynte në fuqi, por ministrja Etilda Gjonaj tha se nëse miratohej në këtë formë, kush ka bërë krim dorëzohet dhe përfiton nga amnistia.
Më tej ministrja e Drejtësisë tha në burgjet shqiptare janë 54 gra nga të cilat 22 do të përfitojnë lirinë nga amnistia, ndërsa 28 të tjera ulje të dënimit me 1/3. Sakaq, 4 prej tyre nuk janë përfshirë si pjesë përfituese nga amnistia. Ndërkohë që nga amnistia do të përfitojnë edhe 4 të mitur ku njëri prej tyre do të lirohet ndërsa 3 të tjerët do të përfitojnë uljen e dënimit.
Pr/ligjit të aministisë iu bënë edhe dy ndryshime të tjera të rëndësishme: Të dënuarit për ndërtim pa leje në tokën e tyre do të lirohen. Ndërsa me një nen të posaçëm do të ndalohen të dalin nga burgu të gjithë ata që janë dënuar për vepren penale të vjedhjes edhe pse mund të jenë në muajt e fundit të vuajtjes së dënimit.
