LIGJET E BIZNESIT
Pas publikimit që bëri gazetari investigativ Artan Hoxha të videos në të cilën u tha se shfaqej kryebashkiaku i Bulqizës Lefter Alla duke konsumuar kokainë, ka folur edhe kryebashkiaku i Lezhës Pjerin Ndreu.
Ndreu ka deklaruar për Report TV se nuk e di nëse është Alla ai që shfaqet në video, dhe tha se në rast se kjo vërtetohet është kosto personale dhe jo e Partisë Socialiste.
Ndër të tjera ai u shpreh se Partia Demokratike ka disa njerëz më keq se Lefter Alla dhe se është gati që ti thotë dhe me emra po të jetë nevoja.
“Nuk kam koment, jam teleshikues si të gjithë ju, kam parë në TV, nuk jam në gjendje të përcaktoj nëse personi në fjalë ishte filani. Janë ekspertiza që i bëhet videos dhe nxjerr faktin. Jemi përballë një akuze, nuk është etike të jap opinion. Nuk është dinjitoze për asnjë zyrtar nëse ka ndodhur që të jetë në ato kushte.
Edhe kjo që merren rastet dhe zmadhohen dhe i faturohen si vijë sjellje një partie nuk është korrekte, edhe në jetë mund të ndodhë që derivon një pjesëtar. Po luhet si në partinë e punës. PS-ja është një familje e madhe dhe nuk është familje e cila nuk ka edhe njerëzit e vet problematikë. Nëse vërtetohen PS-ja mban qëndrimin e vet dhe që e ka mbajtur deri tani. Ne nuk kemi futur në parti testet e drogës, as PD-ja.
Mos më bëni të them ca emra që e bëjnë më keq se ai i Bulqizës, se nuk është detyra ime, por e di të sigurt. Personalisht them, se kur të duan gjatë vitit nga 15 herë në muaj shkon e bëj unë testin. Vijnë ndonjë herë në Lezhë, por mos lodhen të vijnë se vetëm korrektesë do të gjejnë. Unë jam gati të shkoj kur të duan ata për test. Kush ka lidhje kostoja është personale. Janë shumë pak për të dëmtuar ujin e PS-së”, deklaroi Pjerin Ndreu.
