LIGJET E BIZNESIT
Një debat i fortë ka ndodhur sot në Komisionin e Ligjeve, ku deputeti Bashkim Fino është përplasur me kryetarin Ulsi Manja në lidhje me zbatimin e rregullores.
Ulsi Manja për një moment i është përgjigjur Finos, i cili e ka akuzuar se po shkelte rregulloren.
PJESE NGA DEBATI
Fino: Zoti kryetar, zbato nenin e rregullores së Kuvendit. Çdo anëtar, deputet ka të drejtë të marrë fjalën për të bërë pyetje, ka të drejtë të marrë fjalën për të bërë diskutime, që do të thotë se unë kam të drejtën time të flas, të bëj 10-15 pyetje, mbaroj, marr përgjigje, kënaqem apo nuk kënaqem pak rëndësi ka. Kam të drejtën prap të marr fjalën kur diskutohet në parim dhe kur diskutohet nen për nen. Të lutem respekto rregulloren e Kuvendit.
Manja: Shumë faleminderit për sugjerimin. Zoti Alimadhi mban shënime pas çdo përgjigje që kthen ministrja dhe do zbatojmë pyetje përgjigje.
Fino: Është shkelje e rregulloreve
Manja: Po, do shkeli rregulloren
Fino: Po shkele pra…
Manja: …dhe do t’i japim përgjigje zotit Alimadhi.
