Festivali i Këngës në RTSH, shkaktoi një zhurmë të madhe në mediat pas fitores së Arilena Arës, ku pati konkurencë të fortë mes artistësh, një ndër to Elvana Gjatën. Çfarë s’u tha në rrjetet sociale, mirëpo tashmë po qarkullon një lajm tjetër që e ka bërë lëmsh rrjetin.
Adhuruesit e Eurovizion-it, së fundmi kanë ngritur tezën se Elvana Gjata do të përfaqësojë San Marino-n në maj, në Rotterdam.
Kjo gjë ka shkaktuar bujë në rrjetet sociale, ku shumë fansa e mbështesin këtë gjë dhe shumë të tjerë e quajnë si ‘tradhëti’ ndaj Kombit.
San Marino, si një shtet i vogël shpesh merr artistë nga shtete të tjera për të përfaqësuar vendin në Eurovizion, dhe këtë vit në Twitter po lakohet shumë emri i Elvana Gjatës. Nuk dihet nëse ka një ftesë zyrtare për Elvanën, apo është gjithçka një thashethem e rrjeteve sociale.
Komentet për Elvana Gjatën në Twitter:
“Njerëzit mendojnë se San Marino do të dërgojë në Eurovizion Elvana Gjatën?”– shkruan një ndjekëse.
“Nuk jam një fanse e këngës “Me Tana” dhe e Elvanës, por nëse ajo vërtet do ta përfaqësojë San Marinon, është një hakmarrje, që nuk dua ta humb”– vijon një tjetër mes dhjetra komenteve në rrjete sociale.
