I vuri tritol farmacisë së babait të Saimir Tahirit/ Vladimir Gjuta arrestohet sërish, ja arsyeja

I njohur se i vuri tritolin farmacisë së Babait të Saimir Tahirit, Vladimir gjuta është ndaluar sërish nga policia e Tiranës. Mësohet se u ndalua në zonën e Liceut në Tiranë, në “Rrugën e Elbasanit” pasi ka goditur me mjete të forta një kushëririn e tij.

Si pasojë e goditjes, kushëriri i Gjutës ka pësuar dëme të mëdha siç është thyerja e dhëmbëve.

Gjuta u akuzua se bashkë me një tjetër vendosën lëndë shpërthyese tek Farmacia e babait të Saimir Tahirit në tetor të vitit 2015. Pasi ndenjti disa muaj në burg ai u lirua duke fituar lirinë.

Tritoli në farmacinë e babait të Saimir Tahirit, që në atë kohë ishte ministër i Brendshëm, është vendosur në vitin 2015, dhe disa javë pas ngjajres u arrestuar Vladimir Gjuta si i akuzuar kryesor. Gjuta po tentonte të largohej drejt kosovës, duke vendsour një paruke në kokë, por pas një kontrolli që bëri Policia në makinën e tij, ai ra në pranga.

Për këtë ngjarje u arrestua dhe Ernest Gjuta dhe Baftjar Bruka. Por në vitin 2016 pas lirimit nga burgu, Gjuta ra sërish në pranga pasi akuzohej për dhunë fizike ndaj babait të tij.