Detaje të reja kanë dalë nga ekzekutimi i 28-vjeçarit Vilson Tafçiu (Noka), që mbeti i pajetë si pasojë e plumbave të marrë mbrëmjen e 20 janarit në zonën e Astirit në Tiranë.

Mësohet se autori i dyshuar, të cilin policia e ka shpallur në kërkim është një person me emrin Noel Dishi, banues në Sukth.

Sipas burimeve Dishi ka qenë mik me viktimën dhe madje edhe në emigrim, në Francë dhe në Zvicër.

Të pyetur nga policia, familjarët e autorit të dyshuar kanë deklaruar se e njihnin Vilsonin si shok të djalit, dhe se vizitonte shpesh banesën e tyre.

Gjithashtu familjarët kanë arritur të zbulojnë se prej më shumë se 2 javësh mes dy të rinjve ka ndodhur një zënkë që ka prishur miqësinë e tyre, por arsyeja nuk dihet ende.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Policia po vijon kontrollet për kapjen e tij dhe po kështu po analizohen qelizat telefonike për të vërtetuar praninë e të dyshuarit në zonën ku ndodhi krimi si edhe lëvizjet e tij.

NJOFTIMI ZYRTAR I POLICISE

Strukturat e Drejtorisë Vendore të Policisë Tiranë, nën drejtimin e Prokurorisë së Tiranës, po vijojnë intensivisht punën për zbardhjen dhe dokumentimin me prova ligjore të ngjarjeve të ndodhur në Allias dhe në Astir.

Si rezultat i punës profesionale, reagimit të menjëhershëm të strukturave të Policisë dhe  bërjes së një sërë veprimesh proaktive, grupi i posaçëm hetimor ka mundur të dokumentojë me prova ligjore ngjarjen e ndodhur në orët e mbrëmjes së datës 20 janar 2020 në Astir, ku mbeti i vrarë me armë zjarri 29-vjeçari V. T.

Bazuar në veprimet e kryera dhe  provat e grumbulluara rezulton se si pasojë e një konflikti të çastit, shtetasi N. D., alias N. K., alias M.P., 29 vjeç, në orën 20:30 të mbrëmjes së datës 20 janar, në rrugën “Dhaskal Todri”, në Unazën e Re, ka qëlluar disa herë me armë zjarri duke  vrarë shtetasin V. T.

Policia e Tiranës ka shpallur në kërkim policor 29-vjeçarin dhe gjatë ditës së djeshme dhe mëngjesit të sotëm ka ushtruar një sërë kontrollesh në disa ambiente dhe terrrene, ku dyshohej se mund të fshihej 29-vjecari dhe vijon punën e pandërprerë për kapjen e tij.

Policia e Tiranës garanton qytetarët se është tërësisht e angazhuar për të parandaluar, evidentuar dhe goditur paligjshmërinë, si dhe fton qytetarët për të bashkëpunuar më tej, në drejtim të krijimit të një ambienti sa më të sigurt.