Tentoi të kalonte 63.7 kg drogë, fieraku kapet në Qafë Botë

Një tjetër rast i trafikimit të lëndëve narkotike është goditur ndërsa janë sekuestruar 63.7 kg kanabis në një automjet. Policia bën të ditur se një automjet tip “Mitsubishi” ka kaluar në vijën e dytë për një kontroll më të detajuar pasi dyshohej se mund të transportonte lëndë narkotike.

Pas kontrollit, specialistët e narkotikëve kanë nxjerrë disa pako me lëndë narkotike, 63.7 kg kanabis sattiva.

Në përfundim të veprimeve procedurale, specialistët për hetimin e narkotikëve kanë  arrestuar në flagrancë drejtuesin e mjetit shtetasin A.H., 40 vjeç, lindur në fshatin Cakran, Fier dhe banues në Sarandë.

Njoftimi i policisë

Policia Kufitare ka goditur një tjetër rast të trafikimit të lëndëve narkotike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sekuestrohen 63.7 kg kanabis në një automjet, vihet në pranga poseduesi.

Shërbimet e Policisë Kufitare, në vijim dhe në zbatim të planit të masave për shtimin e kontrolleve në Pikat e Kalimit Kufitar dhe në kufirin e gjelbër, me qëllim parandalimin dhe goditjen e krimeve ndërkufitare, bazuar dhe në analizën e riskut, ditën e djeshme kanë kaluar në vijën e dytë për një kontroll më të detajuar një automjet tip “Mitsubishi” ku dyshohej se mund të transportohej lëndë narkotike.

Pas kontrollit të imtësishëm të ushtruar nga shërbimet e Policisë Kufitare, në bashkëpunim me ato doganore me ndihmën edhe  të qenit antidrogë, në automjetin në fjalë është konstatuar se në pjesën e poshtme të dyshemesë ishte hapur një vend i posaçëm për fshehjen e lëndes narkotike.

Pas konstatimit, specialistët e narkotikëve kanë nxjerrë disa pako me lëndë narkotike të cilat pas peshimit kanë rezultuar të jenë 63.7 kilogramë të llojit kanabis sattiva.

Në përfundim të veprimeve proceduriale, specialistët për hetimin e narkotikëve kanë  arrestuar në flagrancë drejtuesin e mjetit shtetasin A.H., 40 vjeç, lindur në fshatin Cakran, Fier dhe banues në Sarandë.

Materialet do t’i referohen Prokurorisë pranë Gjykatës së Shkallës së Parë Sarandë për veprën penale “Trafikimi i lëndëve narkotike”.