Shkodër/ Parandalohet krimi në familje, burri kanos me thikë gruan (Detaje)

Një ngjarje e rëndë kriminale brenda në familje është parandaluar ditën e sotme. Duke iu referuar njoftimit të policisë, mësohet se një 41-vjeçar është arrestuar në flagrancë për kanosje dhe dhunë në familje.

Shtetasi me inicialet K.Z., 41 vjeç banues në lagjen “Tre heronjtë”, Shkodër, në banesë ka ushtruar dhunë fizike si dhe e ka kanosur me thikë bashkëshorten e tij, shtetasen F.Z., 38 vjeçe.

Njoftimi i plotë

Parandalohet një ngjarje e rëndë kriminale brenda familjes, falë reagimit të shpejtë nga Policia.

Arrestohet në flagrancë një 41-vjeçar, për kanosje dhe dhunë në familje.

Sekuestrohet një mjet prerës (thikë), me të cilën ka kanosur bashkëshorten.

Nga shërbimet e Komisariatit të Policisë Shkodër, falë reagimit të shpejtë dhe ndërhyrjes në kohë, u bë arrestimi në flagrancë i shtetasit K. Z. 41 vjeç, banues në lagjen “Tre Heronjtë”, Shkodër.

Arrestimi i tij u bë, pasi në banesë ka ushtruar dhunë fizike, si dhe ka kanosur me mjet prerës (thikë) bashkëshorten e tij, shtetasen F. Z., 38 vjeçe.

Në cilësinë e provës materiale u sekuestrua thika me të cilën ka kanosur bashkëshorten.

Materialet iu referuan Prokurorisë pranë Gjykatës së Shkallës së Parë Shkodër, për veprat penale Dhuna në familje”, “Kanosja” dhe “Mbajtja pa leje e armëve të ftohta”.