Ka folur sot Komisioneri për Zgjerimin e Bashkimit Europian, Oliver Varhelyi.
I pranishëm në një konferencë për mediat së bashku me kryeministrin Edi Rama, Varhelyi është shprehur se BE është në krah të Shqipërisë dhe se do ta ndihmojnë me cfarë të ketë nevojë.
Gjithashtu ai ka dhënë dhe lajmin e mirë se Shqipëria tashmë është gati për të hapur negociatat me BE, dhe se po punhet për të ecur përpara.
“Ne do të organizojmë konferencën e donatorëve më 17 shkurt në Bruksel dhe do të flasim me të gjitha shtetet anëtare dhe organizatat ndërkombëtare financiare, në mënyrë që të kemi një kontribut të konsiderueshëm.
Shqipëria është gati për të çelur negociatat me BE-në. Po punojmë me Shqipërinë dhe shtetet anëtare për të ecur përpara. Po punojmë për të gjetur një zgjidhje të re për procesin e zgjerimit. Do të ketë një metodologji të re për trajtimin e negociatave me BE-në”, është shprehur ai.
Gjithasthtu ai shtoi se do të zhvillohen takime me presidentin Ilir Meta dhe përfaqësues të opozitës në vend ku do të bisedojë me të gjitha palët.
“Do të flas me të gjitha shtetet anëtare dhe do të përpiqem t’i bind që megjithë metodologjinë e re, të çelin negociatat. Shqipëria dhe Maqedonia e Veriut të vazhdojnë me reformat, në mënyrë që ne të kemi një marrëveshje për çeljen e negociatave përpara Samitit të Zagrebit”, ka shtuar ai.
