LIGJET E BIZNESIT
Sot pasdite në orën 17.00 do të zhvillohet mbledhja e parë e Këshillit Politik, i ngritur për të diskutuar në lidhje me Reformën Zgjedhore.
Kujtojmë se ky Këshill u ngrit dy ditë më parë, pasi një tryezë e përbashkët u zhvillua mes përfaqësuesve të opozitës së bashkuar, Oerd Bylykbashi nga PD dhe Petrit Vasili nga LSI, së bashku me bashkëkryetarët e Komisionit Parlamentar për Reformën Zgjedhore, Damian Gjiknuri dhe Rudina Hajdari.
Në Këshillin Politik opozita e bashkuar do të përfaqësohet nga 5 emra, Oerd Bylykbashi, Petrit Vasili, Fatmir Mediu, Vangjel Dule dhe Mesila Doda, ndërsa pjesë e tij do të jenë drejtuesit e komisionit parlamentar të reformës zgjedhore, përfaqësues të grupeve parlamentare, si dhe janë të ftuar grupet e interesit apo shoqërisë civile.
Në këtë mbledhje të parë do të përcaktohet axhenda e veprimtarisë së Këshillit, si dhe ekspertët teknikë që do të jenë pjesë e tij.
Pjesëmarrësit në Këshill do të përcaktojnë gjithashtu çështjet prioritare, ndërsa nga “opozita e re” dhe grupime të shoqërisë civile insistohet për ndryshimin e sistemin elektoral.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Puna e këtij Këshilli do të asistohet nga ekspertët e ODIHR, ndërsa referuar dakordësisë mes palëve reforma duhet të përmbyllet brenda datës 15 mars 2020.
