Stresi dedikim për Endrit Doklen/ Çfarë e lidh reperin me të fortin e bandës së Durrësit

Stresi është një nga rep-artistët më të komentuar nga mediat rozë, por jo vetëm.  Ai vazhdon të jetë tejet aktiv në rrjetet sociale duke publikuar vazhdimisht foto dhe video për të gjithë adhuruesit e tij.

Ka bërë bujë një foto e publikuar së fundmi nga Arkimed Lushaj, ku ka bërë një dedikim për të sapo liruarin nga burgu, Endrit Doklen. Ai ka postuar në llogarinë e tij personale, një status në Instastory, një foto të numrit dy të bandës së Durrësit, të cilin e quan ‘lal’ dhe uron që ai të mos e shikojë më derën e burgut.

“Shyqyr që dole o lali im, mos e pafsh më atë derë,”- shkruan Stresi, ndërkohë që nuk përcakton se çfarë e lidh me ‘të fortin’ e sapo dalë nga qelia.

Komente të shumta në rrjet janë se mos dyshja të jenë takuar në burgun e Fushë Krujës, ku edhe reperi ka kaluar plot tetë muaj. Kujtojmë që stresi  u vu në pranga më 17 tetor të vitit 2018 në një hotel në Linzë.  Reperi akuzohej se ishtë pjesë e një grupi kriminal në Tiranë, që merrej me shitjen e narkotikëve. Pas 8 muajsh, më 14 qershor, Lushaj u lirua me kusht nga burgu.