“A do të jepni dorëheqjen nga drejtimi i PD?” Ja si përgjigjet Lulzim Basha

“A do të jepni dorëheqjen nga drejtimi i Partisë Demokratike nëse në zgjedhjet e ardhshme parlamentare do të humbisni  shumicën?”.

Kështu është pyetur ditën e sotme nga gazetarët në konferencën që zhvilloi në selinë blu kryetari i Partisë Demokratike Lulzim Basha.

Por ai u përgjigj se fokusi i tij dhe i partisë që kryeson është nxjerrja e Shqipërisë nga kriza politike që është futur.

“E di që disa njerëz kanë merak a do jap unë apo jo dorëheqjen, por nuk është ky momenti për të kënaqur kureshtjet apo thrillet e tyre. Sot, Shqipëria është në krizë, është koha për të punuar që Shqipëria mos jetë kështu, kjo është axhenda ime sot. Ëndrrat dhe makthet e të tjerëve nuk janë fare në radarin tim e të bashkëpunëtorëve të mi”, deklaroi Basha.