Dëmet nga tërmeti/ Prokuroria jep detajet: 31 të arrestuar në Tiranë, ja shkeljet që kanë kryer

Me anë të një konference për mediat, Prokuroria e Tiranës ka bërë sot me dije se numri i personave që janë arrestuar në kryeqytet si pasojë e dëmeve nga tërmeti i 26 nëntorit ka shkuar në 31.

Një nga prokuroret e dosjes Elisabeta Imeraj ka sqaruar disa shkelje që janë kryer nga funksionarët publikë dhe kontraktorët pas tërmetit shkatërrimtar 6.4 ballë të 26 nëntorit.

“Janë disa subjekte nën hetim mbas ngjarjeve të 26 nëntorit 2019. Kryesosht janë subjektet që kanë funksion publik në ish- komunat, subjekte private apo kontraktorë.

Për shkeljet e kryera nga funksionarët publikë, kanë miratuar leje ndërtimi në mungesë dokumentacioni dhe në kundërshtim me ligjin .

Mungojnë oponencat teknike për administratorët e të cilëve janë lëshuar edhe urdhra ndalimi, mungojnë procesverbale të përfundimit të karabinave, të objektit. Mungojnë procesverbalet të përfundimit të punimeve të objektit. Në disa dosje mungojnë aktet e konstatimeve nga zyrat urbanistike, në komunat Farkë dhe Kashar, për të legalizuar mungojnë aktet e qëndrueshmërisë

Sa i përket drejtuesve teknikë dhe ligjorë janë disa shkelje, aktet e kolaudimit, disa raste nuk gjendet në dosje. Aktet e marrjes së lejeve të shesheve të ndërtimit, procesverbalet gërmimit të tabanit, ngritjes së tabanit, kolonave dhe një sërë aktesh konstatimi. Disa raste mungon dhe leja e shfrytëzimit të objektit nga njësia administrative.

Në objektet para ’90 ka punime që kanë dëmtuar strukturën për të bërë biznese apo hapësira. Sa i përket hetimeve janë shtrirë në Vorë, Kashar dhe Farkë ku dëmtimet kanë qenë më të mëdhaja. Po vazhdojnë nga grupi hetimor dhe në zona të tjera si Dajti, Kamëz dhe të tjera. Ku janë dëmtuar me problem në ndërtim apo dhe sinjalizim nga shtetas të ndryshëm që kanë pësuar dëmtimet.”- tha Ymeraj gjatë fjalës së saj.