Zjarr i madh në një banesë, gruaja tenton të dalë jashtë por nuk shpëton dot (EMRI)

Një zjarr i madh ka rënë sot në një banesë në Vlorë.

Mësohet se si pasojë e flakëve ka ndërruar jetë një grua e moshës 85-vjeçare.

Ngjarja e rëndë ndodhi në fshatin Kallarat, ku e moshuara Gastere Strati ndodhej vetëm në banesë.

Zjarri ka rënë për shkak të një dëmi në oxhak, ku e ndjera ka tentuar të dalë menjëherë jashtë por nuk ia ka dalë dot.

Ajo ka ndërruar jetë pranë derës.

Ndërkohë policia dhe grupi hetimor po kryejnë verifikimet e nevojshme për zbardhjen e ngjarjes.