Ditën e djeshme, pas plot 1 viti “luftë” politike, një marrëveshje u arrit midis mazhorancës dhe opozitës në lidhje me Reformën Zgjedhore.
Ishin dy përfaqësuesit e opozitës së bashkuar, Oerd Bylykbashi nga Partia Demokratike dhe Petrit Vasili nga LSI, ku u takuan me Damian Gjiknurin, bashkëkryetarin e Komisionit Parlamentar për Reformën Zgjedhore.
Nga ky takim u vendos që të ngrihej një Këshill Politik gjithëpërfshirës, ku do të hartohet drafti që do të përcillet në Kuvend për miratim.
Një risi nga ky takim ishte dhe fakti që palë ranë dakord me njëri-tjetrin për të mbyllur Reformën përpara datës 15 mars 2020.
Por një reagim i fortë ka ardhur më pas nga zv. ministri i Mbrojtjes Petro Koci, i cili ironizon përfaqësuesit e opozitës për zgjedhjet e parakohshme.
Ai shkruan edhe datën e zgjedhjeve, ku sipas tij do të mbahen në maj 2021.
“Aty nga Maji 2021 zhvillohen zgjedhjet e parakohshme”, shkruan Koçi, me nota sarkastike.
