Një shpërthim i fuqishëm ndodhi orët e para të mëngjesit të sotëm në Yzberisht, ku u plagosën 3 persona.
Ngjarja ndodhi rreth orës 07:25 në rrugën “3 Dëshmorët” , ku si pasojë e shpërthimit të bombolës së gazit në një byrektore, u plagos pronarja e biznesit dhe dy punonjëset.
Ndërkohë policia ka dhënë informacion në lidhje me atë që ka ndodhur.
NJOFTIMI ZYRTAR I POLICISE
Rreth orës 07:25 në rrugën “3 dëshmorët” në një pikë që tregton prodhime brumi, ka shpërthyer një bombol gazi ku si pasojë është lënduar lehtë shtetasja K.S, bashkëpronarja e biznesit, si dhe dy punonjëset A. M dhe M. P.
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.
